KALIGIRAN

          Sa pagyakap natin sa modernong panahon, niyakap na din natin ang mga pagbabago sa ating kultura. Ilan sa mga ito ay ang paraan ng pananamit, pagkilos, pananalita at pati na rin ang mga makabagong  kagamitan para sa pang araw araw na pamumuhay. Sa patuloy nating pagtangkilik dito, hindi na natin napapansin na tayo ay nakakalimot sa kinagisnan nating kultura.

           Ang pananalita o pakikipagtalastasan natin sa ibang tao ay isa sa mga paraan natin upang maipahayag ang ating saloobin, ideya at reaksyon sa isang bagay. Ito ay isa sa pinakamahalagang bahagi ng komunikasyon ng mga tao. Dahil ito nga ay araw-araw nating ginagamit, katulad ng katauhan, patuloy itong naiiba at nagbabago. Dahil sa impluwensya ng modernong sosyidad at sa tulong ng midyang pangmasa, nabuo ang iba’t ibang varayti ng wika tulad na lamang ng “Jejemon”. Lumaganap ang paggamit nito dahil na din sa pagpapasa-pasa at patuloy na paggamit na animo’y parte na ng ating wikang kinagisnan. Ang “Jejemon” ay nagbunga na rin sa pag kakahalo ng pagpapaikli ng mensahe gamit ang mga teleponong selular at ang paglalaro ng mga salita ng mga kabataan. Ayon ka Ginang Fe Lacatan, isang guro, hindi kaaya-aya sa isang kabataan ang bumigkas ng mga salitang “Jejemon”. At sa aming pananaliksik, tinawag ng isang kolumnista bilang isang “Jolog” sa lipunan sa modernong panahon. Ayon naman kay Isagani R. Cruz, isang kritiko, Isa sa pinakamayamang literatura sa mmundo ay ang literatura ng Pilipinas at nabibilang ang ating wikang Filipino sa literatura. Kaya’t habang maaga pa,  huwag nating sayangin ang mataas na tingin sa ating kultura. Sa halip, ating itong mas pagyamanin at palaguin. Para naman kay Jose Dakila Espiritu, guro sa Filipino at dating katulong ng dekano ng College of Education, magdudulot ang lengwaheng jejemon ng malaking kamaliang intelektwal sa mga kabataang gumagamit nito.

   Walang masama sa paggamit ng lengguwaheng “Jejemon”, ngunit kung ating mapapansin, ang ilan sa mga salita na nagmula dito ay nanatili sa bokabularyo natin at madalas ito na lamang rin ang sinasalita sinusulat ng mga kabataan. Unti-unti ring  natatabunan o napapalitan ang ilan sa mga salitang pinagyaman sa mga nakalipas na panahon. Kung magpapatuloy ang paggamit ng “Jejemon” maaaring patuloy na ito na ang maging lengwahe ng susunod na henerasyon.